Joshua 15

Isabelo sikaJuda

1Isabelo sesizwe sikaJuda, usendo lunye ngalunye sasiqhele sehla sayafika elizweni lako-Edomi, sisiyakhawula eNkangala yeZimi eningizimu kude le.

2Umngcele wabo weningizimu wawuqalisela ethekwini oluseningizimu emaphethelweni oLwandle lweTshwayi, 3uchaphela eningizimu yoMkhandlu weNkume, uqhubeka usiya eZini, usiyaphutsha eningizimu yeKhadeshi Bhaneya. Wasusedlula eHezironi usiyafika e-Adari wabhoda unquma wayaphutsha ususeKharikha.

4Wasusedlula usiya e-Azimoni usiyaxhumana lesiHotsha saseGibhithe, uphelela olwandle. Lo yiwo umngcele wabo waseningizimu.

5Umngcele wempumalanga luLwandle lweTshwayi kuze kufike lapho okuthela khona iJodani, 6waqhubeka usiya eBhethi Arabha usiya eLitsheni likaBhohami indodana kaRubheni. 7Umngcele wasuqansa usiya eDebhiri usuka esigodini sika-Akhori wasujika usiya enyakatho ukhangela eGiligali, ekhangelane loMkhandlu ka-Adumimu eningizimu yodonga. Waqhubeka usiya emanzini ase-Eni Shemeshi wasufika e-Eni Rogeli. 8Wasuqonda esigodini seBeni Hinomu emthezukweni wangeningizimu yedolobho lamaJebusi (okutsho iJerusalema). Usuka lapho waqansa phezu koqaqa entshonalanga yesigodi seHinomu ekucineni kwangenyakatho yesigodi seRafayimi. kwangenyakatho yesigodi seRefayini. 9Usuka engqongeni yoqaqa umngcele waqonda emthonjeni wamanzi aseNefuthowa, wasuphutsha emadolobheni eNtabeni ye-Efuroni wasusehla usiya eBhahala (okutsho iKhiriyathi Jeyarimi) 10Wasujika usiya entshonalanga usuka eBhahala usiya entabeni yeSeyiri wedlula emthezukweni wangenyakatho yentaba iJeyarimi (okutsho iKhesalomi) waqhubeka usiya eBhethi Shemeshi uchaphela eThimina. 11Waqonda emthezukweni wenyakatho owe-Ekhironi, wajika ukhangele eShikheroni, wedlule usiya eNtabeni yeBhahala wafika eJabhineli. Umngcele waphelela elwandle. 12Umngcele wangentshonalanga lukhumbi loLwandle oLukhulu. Le yiyo imingcele eyayigombolozele abantu bakoJuda usendo lunye ngalunye.

13Kulandela umlayo kaJehova kuye, uJoshuwa wanika uKhalebi indodana kaJefune ingxenye eseJuda – iKhiriyathi Aribha, okutsho iHebhroni (u-Aribha wayengukhokho ka-Anaki). 14Esuka eHebhroni uKhalebi waxotsha ama-Anakhi amathathu – uSheshayi, u-Ahimani loThalimayi – abazukulu baka-Anaki. 15Esuka lapho wahamba ehlasela abantu ababehlala eDebhiri (okwakuthiwa yiKhiriyathi Sefa).

16UKhalebi wathi, “Ngizakwendisela indodakazi yami u-Akhisa endodeni ezahlasela ithumbe iKhiriyathi Sefa.” 17U-Othiniyeli indodana kaKhenazi, umfowabo kaKhalebi walithumba: ngakho uKhalebi wamendisela indodakazi yakhe u-Akhisa yaba ngumkakhe.

18Ngelinye ilanga u-Akhisa wafika ku-Othiniyeli wamkhuthaza ukuthi acele insimu kuyise. Lapho esehla kubabhemi wakhe, uKhalebi wambuza wathi, “Kuyini engingakwenzela khona?”

19Waphendula wathi, “Akungenzele umusa. Njengoba unginike ilizwe eNegebi, nginika njalo imithombo yamanzi.” Ngakho uKhalebi wayinika indodakazi yakhe imithombo eyayingaphezulu leyayingaphansi kommango.

20Leli yilo ilifa lesizwana sikaJuda usendo lunye ngalunye:

21Amadolobho aseningizimu asekucineni awesizwe sikaJuda eNegebi ekuyeni emngceleni we-Edomi aye yila: IKhabhuzili, i-Ederi, iJaguri, 22iKhina, iDimona, i-Adada, 23iKhedeshi, iHazori, i-Ithinani, 24iZifi, iThelemu, iBheyalothi,

25iHazori Hadatha, iKheriyothi Hezironi (okutsho iHazori), 26i-Amamu, iShema, iMolada, 27iHazari Gada, iHeshimoni, iBhethi Phelethi, 28iHazari Shuwali, iBherisheba, iBhiziyothiya, 29iBhahala, i-Iyimu, i-Ezemu,

30i-Elitholadi, iKhesili, iHorima

31iZikhilagi, iMadimana, iSansana,

32iLebhayothi, iShilihumu, i-Ayini leRomoni – esewonke kwakungamadolobho angamatshumi amabili lesitshiyagalolunye lemizana yawo.

33Emawatheni asentshonalanga kwakulamadolobho la: I-Eshithawoli, iZora, i-Ashina,

34iZanowa, i-Eni Ganini, iThaphuwa, i-Enamu, 35iJarimuthi, i-Adulamu, iSokho, i-Azekha, 36iShayarimu, i-Adithayimu le Gedera (kumbe iGederothayimu) amadolobho alitshumi lane lemizi yawo.

37IZenani, iHadasha, iMigidali Gadi,

38iDiliyeni, iMizipha, iJokhitheyeli,

39iLakhishi, iBhozikhathi, i-Egiloni,

40iKhabhoni, iLahimasi, iKhithilishi

41iGederothi, iBhethi Dagoni, iNayama leMakheda – amadolobho alitshumi lesithupha lemizi yawo.

42ILibhina, i-Etheri, i-Ashami,

43i-Ifitha, i-Ashina, iNezibhi,

44iKheyila, i-Akhizibhi leMaresha – amadolobho ayisitshiyagalolunye lemizi yawo.

45I-Ekhironi, lemizana eyigqagqeleyo;

46entshonalanga ye-Ekhironi, wonke ayeseduzane le-Ashidodi, ndawonye lemizana yawo; 47i-Ashidodi lemizana egqagqeleyo leGaza, imizana egqagqeleyo kusiyafika esiHotsheni saseGibhithe lekhunjini loLwandle oLukhulu.

48Elizweni elimaqaqa: Ishamiri, iJathiri, iSokho,

49iDana, iKhiriyathi Sana (okutsho iDebhire),

50i-Anabhi, i-Eshithemo, i-Animi,

51iGosheni, iHoloni leGilo – amadolobho alitshumi lanye lemizana yawo. 52I-Arabhi, iDuma, i-Eshani, 53iJanimu, iBhethi Thaphuwa, i-Afeka, 54iHumitha, iKhiriyathi Aribha (okutsho iHebhroni) leZiwori – amadolobho ayisitshiyagalolunye lemizana yawo. 55IMawoni, iKhameli, iZifi, iJutha, 56iJezereli, iJokideyamu, iZanowa,

57iKhayini, iGibheya leThimina – amadolobho alitshumi lemizana yawo.

58IHalihuli, iBhethi Zuri, iGedori,

59iMaharathi, iBhethi Anothi le-Elithekhoni – amadolobho ayisithupha lemizana yawo. 60IKhiriyathi Bhali (okutsho ukuthi iKhiriyathi Jeyarimi) leRabha – amadolobho amabili lemizana yawo.

61Enkangala: IBethi Arabha, iMidini, iSekhakha,

62iNibhishani, iDolobho leTshwayi le-Eni Gedi – amadolobho ayisithupha lemizana yawo.

63UJuda wehluleka ukususa amaJebusi, ayehlala eJerusalema; lalamhla amaJebusi lokhu ehlala lapho labantu bakoJuda.